काठमाडौँ, कात्तिक १८ गते । गीतकार सुवासचन्द्र ढुङ्गेलको रचना र गायिका चिरिमाया महर्जनको आवाज रहेको गीत ‘रातोदिन रुवाएर’ शुक्रबार सार्वजनिक भएको छ । गीतमा सुरेश अधिकारीको सङ्गीत रहेको छ । अगस्ती इन्टरटेन्मेन्टको प्रस्तुति रहेको गीत ढुङ्गेलको अफिसिल युट्युब च्यानलमार्फत सार्वजनिक गरिएको हो । शुक्रबार एक कार्यक्रमबिच अभिनेतृ मिथिला शर्माले गीतको सार्वजनिक गर्नुभएको हो ।
गीतमा चन्द सिंहको एरेन्ज, एसबी मुस्कानको रेकर्ड र गोविन्द सोनीको मिक्सिङ तथा मास्टरिङ रहेको छ । गीतको भिडियोमा मौसमी ओली, इआर के ताम्राकार र बाल कलाकार समृद्धि काफ्ले देखिनुभएको छ । दीपक गिरीको सिनेम्याटोग्राफी, अनिलकुमार महर्जनको कलर तथा सम्पादन गीतमा रहेको छ भने गीतलाई चिरिमाया महर्जनले निर्माण र सङ्केत अगस्तीले निर्देशन गर्नुभएको छ ।
