‘उपहार’ को पहिलो गीत ‘वाह वाह’

काठमाडौँ, कात्तिक १८ गते । अभिनेतृ रेखा थापाले निर्माण गर्नुभएको चलचित्र ‘उपहार’ को पहिलो गीत ‘वाह वाह’ सार्वजनिक भएको छ । शुक्रबार राजधानीमा आयोजित एक कार्यक्रमबिच गीत सार्वजनिक गरिएको हो । गीतमा बाबुल गिरी र एलिना चौहानको आवाज रहेको छ भने गीत मायाप्रेम र डान्सिङ शैलीमा तयार पारिएको छ । गायक गिरीकै सङ्गीत र शङ्कर अधिकारी ‘घायल’ को शब्द रहेको गीतमा चलचित्रका प्रमुख कलाकारहरू रेखा थापा, मुकुन भुसाल, पूजा शर्मा, समर्पणजङ्ग कार्की, बेनिशा हमाल, तेज गिरीलगायत देखिनुभएको छ । ज्ञानेन्द्र देउजाको निर्देशन रहेको चलचित्र रेखा फिल्म्सको ब्यानरमा बनेको हो । फागुन २५ गते चलचित्रको प्रदर्शन मिति तोकिएको छ ।