काठमाडौँ , कात्तिक १३ गते । वेब सिरिज ‘कैँची’ को निर्माण घोषणा गरिएको छ । टिजर सार्वजनिक गर्दै वेब सिरिजको औपचारिक रूपमा निर्माण घोषणा गरिएको हो ।
मधेशको सेटअपमा खिचिएको सार्वजनिक टिजरमा अभिनेता कामेश्वर चौरसिया, अभिनेत्री काजल कर्ण, रियाज आचार्य र दीपक आरजेलाई स्थान दिइएको छ । सत्य घटनाबाट प्रभावित कथामा निर्माण हुने वेब सिरिजमा पारिवारिक सम्बन्ध र त्यसले ल्याउने कलहलाई पर्दामा ल्याउने जमर्को निर्माण टिमले गरेको छ ।
नेपालको तराई क्षेत्रमा घट्ने विभिन्न घटनामा यो रिलिज बन्ने छ । कैँचीको कथा अभिनेता कामेश्वर चौरसिया आफैँले लेख्नुभएको हो । पटकथा तथा संवाद लेखनमा भने उहाँलाई निर्देशक नरेशनाथ योगी किङ योगीले सघाउनुभएको छ । सिरिजको निर्देशन पनि नरेश आफैँले गर्दै हुनुहुन्छ ।
