काठमाडौँ, असोज ६ गते । हास्यव्यङ्ग्य कलाकार तथा गायक राजा राजेन्द्र पोखरेलको गीत ‘सालको पात’ सार्वजनिक भएको छ। गीतमा वैदेशिक रोजगारीको कथालाई उठान गरिएको छ। गीतमा अभिनेत्री शिल्पा पोखरेलले साउदीको जेलमा परेका श्रीमान्लाई झिकाउन सक्दो प्रयास गरिरहेकी श्रीमतीको भूमिका निर्वाह गर्नुभएको छ।
ज्ञानेन्द्र शर्मा हुमागाईंको निर्देशन रहेको यसै गीतमार्फत कलाकार युवराज गौतमले डेब्यु गर्नुभएको छ। कलाकार सुरवीर पण्डित अर्थात् ‘दाह्री बा’ र बाल कलाकार एलेक्स खड्का पनि मुख्य कलाकारका रूपमा रहनुभएको छ। राजा राजेन्द्रको आवाज रहेको यस गीतमा श्रमदीप चौलागाईंको शब्द र सङ्गीत रहेको छ। भिडियोलाई दिन्सन शाहले सम्पादन गर्नुभएको छ।
