काठमाडौँ, असोज ५ गते । नेपथ्यले पहिलो पटक क्यानडाको सङ्गीतयात्रा गर्ने भएको छ। अक्टोबर १ तारिखमा नेपथ्यले क्यालगरी सहरको ‘दी प्यालेस थिएटर’ मा प्रस्तुति दिने छ। त्यसपछि अक्टोबर ४ तारिख, बुधबार ब्यान्डको प्रस्तुति भ्यानकुभर सहरको ‘दी भोग थिएटर’ मा हुने छ। अक्टोबर ८ तारिखमा ब्यान्ड टोरन्टोकै ‘म्यासी हल’ मा प्रस्तुत हुने छ।
ब्यान्डका अगुवा एवं मुख्य गायक अमृत गुरुङले प्रशंसकहरूले समूह बनाउँदै अर्कै सहरदेखिको लामो दूरी तय गरेर पायक पर्ने सहरमा कन्सर्ट हेर्न आउने जानकारी दिइरहेको भन्दै आभार प्रकट गरेका छन्। क्यानडाको तीन वटै कन्सर्टमा अमृतलाई ड्रमसेटमा, सुरज थापा बेस गितार, सुविन शाक्य गितार, निरज गुरुङ र शान्ति रायमाझीले मादलमा साथ दिने छन्।
