एमएलएसमा मेस्सीको डेब्यु गाेल

काठमाडौं, भदौ १० गते । अर्जेन्टिनी स्टार लियोनल मेस्सीले अमेरिकी मेजर लिग सकर (एमएलएस) मा डेब्यु गोल गर्नुभएको छ । आइतबार बिहान भएको खेलमा मियामीले न्युयोर्क रेडबुल्सलाई २–० गोलले हरायो ।

रेडबुल मैदानमा मियामीलाई जिताउन डिअगो गोमेज र मेस्सीले गोल गर्नुभयो । गोमेजले ३७औं मिनेटमा गोलको खाता खोल्नुभयो । त्यसपछि मेस्सीले ८९औं मिनेटमा गोल गर्दै टोलीलाई सजिलै जिताउनुभयो ।

मेस्सीले ६०औं मिनेटमा मैदान प्रवेश गर्दै एमएसएलमा डेब्यु गर्नुभएको हो । उहाँले डेब्यु खेलमै गोल गर्दै टोलीको उत्साह जगाउनुभयो । जितसँगै मियामीले २९ टोली सहभागी लिगमा २२ अङ्क बनाएको छ । मियामीले अझै रेलिगेसन रेखा छल्न सकेको छैन । एजेन्सी