काठमाडौँ, साउन ३० गते । भदौ १ गतेबाट प्रदर्शनमा आउन लागेको चलचित्र ‘जुलेबी’ को गीत सार्वजनिक भएको छ । चलचित्रमा समावेश ‘आज मन’ बोलको गीत सार्वजनिक गरिएको हो । गीतमा केतन क्षेत्रीको स्वर, कोसिस क्षेत्री र केतनको शब्द तथा सङ्गीत छ ।
फोर क्युब इन्टरटेन्मेन्टको ब्यानरमा निर्माण भएको चलचित्रमा सुरक्षा पन्त, निशा अधिकारी, उषा रजक, मोनिका थापा, सुशील सिटौला, पुष्कर कार्की, तुफान थापा, समीरमणि दीक्षितलगायतको अभिनय रहेको छ । चलचित्रकी निर्माता आभा शर्मा नेपाल हुनुहुन्छ । चलचित्रमा विवेक खड्काको छायाकन, जाटवेद बनर्जीको सङ्गीत, अञ्जय खड्काको सम्पादन र साउन्ड डिजाइन उत्तम न्यौपानेको रहेको छ ।
