काठमाडौँ, साउन ३० गते । चलचित्र ‘नाङ्गो गाउँ’ को गीत ‘पहिलो नम्बर’ सार्वजनिक भएको छ । भदौ २९ गतेबाट प्रदर्शनमा आउन लागेको चलचित्रको गीतमा किरण गजमेरको स्वर, राजेश अर्यालको शब्द र एसडी योगीको सङ्गीत छ ।
प्रेमिल शैलीमा तयार भएको गीतमा कर्मा र साम्राज्ञीराज्यलक्ष्मी शाहलाई देख्न सकिन्छ । रामजी लामिछानेको कोरियोग्राफीमा रहेको गीतको भिडियोमा आलोक शुक्लाले छायाङ्कन गर्नुभएको छ । हिमाल शर्मा प्रस्तुतकर्ता रहनुभएको चलचित्रमा दीपेन्द्र लामाको लेखन तथा निर्देशन रहेको छ ।
चलचित्रमा दयाहाङ राई, मिरुना मगर, शिशिर बाङ्देल, बुद्धि तामाङ, विशाल पहारी, राज थापा, कमलमणि नेपाल, अङ्कित खड्का, निमा पाण्डे, ज्ञानुभाइ जोशी, पुष्कर गुरुङलगायतका कलाकारको अभिनय रहेको छ ।
