काठमाडौं, असार ३१ गते। गायिका मिलन नेवार र गायक अनुप रेग्मीको स्वर रहेको ‘एक कदम’ बोलको गीतको भिडियो सार्वजनिक भएको छ। गीतमा कमला न्यौपानेको शब्द, येदिन गजमेरको संगीत रहेको छ।
एक कदममा मोडल स्मारिका ढकाल र प्राञ्जल न्यौपानेको अभिनय देख्न सकिन्छ। रोमान्टिक प्रेम कथालाई भिडियोमा निर्देशक केशवराज भट्टले कलात्मक शैलीमा देखाउनुभएको छ।
रुपम सिंह गुरुङको एरेन्ज रहेको सार्वजनिक गीतको छायाङ्कन मानकृष्ण मर्हजनले गर्नुभएको हो भने सम्पादनमा बान्दे प्रसादले मेहनत गर्नुभएको छ।
भिडियोको कलरिङ राजेन्द्र मोक्तानले गर्नुभएको गीतको रेकर्डिङ गुञ्जन रेकडिङ स्टुडियोमा भएको हो। प्रकाश न्यौपानले निर्माण गरेको भिडियो तरंग द वेभ क्रियशनबाट बजारमा आएको हो।
