‘बिहे पास’ पुनः प्रदर्शन हुँदै

काठमाडौँ, असार २७ गते  । नेपाली कथानक चलचित्र ‘बिहे पास’ पुनः प्रदर्शन हुने भएको छ । असार २९ गते शुव्रmबार ‘बिहे पास’ प्रदर्शन हुन लागेको हो । दयाहाङ राई र प्रकृति श्रेष्ठ प्रमुख भूमिकामा रहेको चलचित्र यसअघि नयाँ वर्षको छेको पारेर वैशाख १ गते प्रदर्शन भएको थियो । 

तर त्यही दिन दयाहाङ नै मुख्य भूमिका रहेको अर्को चलचित्र ‘जारी’ पनि रिलिज भएको थियो । ‘जारी’ सँग जुध्दा चलचित्रले राम्रो कमाइ गर्न नसकेको वितरक रोहित कट्टेल बताउनुहुन्छ । साथै यति बेला हलमा नयाँ नेपाली चलचित्र पनि नभएकाले हल सञ्चालककै आग्रहमा चलचित्रलाई पुनः प्रदर्शन गर्न लागिएको कट्टेलको भनाइ छ ।

हासो, प्रेम, यथार्थता तथा बिछोडको समेत समुचित संयोजन रहेको चलचित्रलाई प्रवेश पौडेलले निर्देशन गर्नुभएको छ । चलचित्रमा दयाहाङ र प्रकृतिका साथमा सुभाष गजुरेल, श्याम राई, विशाल पहाडी, बुद्धि तामाङ, हिउँवाला गौतम, नवीन शेरचन, उमा बानियाँ, प्रकाश भुजेल, रुषा न्यौपानेलगायतका कलाकारले अभिनय गर्नुभएको छ ।