प्रधान सेनापति र पाकिस्तानका राजदूतबीच भेटघाट

काठमाडौं, असार २० गते । प्रधान सेनापति प्रभुराम शर्मा र नेपालका लागि मित्रराष्ट्र पाकिस्तानका राजदूत अबरर हुसेन हसमीबीच बुधबार जङ्गी अड्डामा शिष्टाचार भेटघाट भएको छ । 

प्रधान सेनापतिको कार्यकक्षमा भएको उक्त भेटघाटमा दुईपक्षीय हित तथा पारस्परिक सम्बन्धका विषयमा छलफल भएको थियो । यस किसिमको भेटघाटले दुई देशबीच रहिआएको सम्बन्ध थप सुमधुर एवं प्रगाढ बनाउन मद्दत पुग्ने विश्‍वास नेपाली सेनाले लिएको छ ।