काठमाडौं, वैशाख ५ गते । गायक खड्ग गर्बुजाको नयाँ लोकदोहोरी गीत लाहुरे ठाडो भाका सार्वजनिक भएको छ । गीतमा शब्द तथा सङ्गीत गर्बुजाकै रहेको छ । द भ्वाइस अफ नेपालकी तारा शीर्ष मगरले गर्बुजालाई गायनमा साथ दिनुभएकी छ ।
गीतले ‘लाहुरेको मनको कुरा बोलेको छ । गण्डकी अञ्चलमा रहेका गुरुङ मगरहरू लाहुरे जाँदा गाइने गीत हो, लाहुरे । गीतको भिडियोमा अभिनेता राहुल केसी र अभिनेत्री केकी अधिकारीको अभिनय रहेको छ ।
राजु केसीको निर्देशनमा तयार भएको गीतलाई रक्षा बानियाँ र आकाश केसीले निर्माण गर्नुभएको हो । सुनिल क्षेत्रीको कोरियोग्राफी रहेको गीत केसीएम युट्युब च्यानलबाट सार्वजनिक भएको हो ।
