काठमाडौँ, वैशाख ४ गते । शोभित बस्नेत प्रस्तुतकर्ता रहनुभएको चलचित्र ‘जय हो’को सम्पूर्ण छायाङ्कन सकिएको छ । कास्की र मुस्ताङको विभिन्न स्थानमा चलचित्रको छायाङ्कन गरिएको हो ।
टेक पौरखी राईले निर्देशन गर्नुभएको चलचित्रमा अर्पण थापा, सलोन बस्नेत, केकी अधिकारी, निशा अधिकारी, माओत्से गुरुङ, प्रेम पाण्डे, दीपा शाक्य श्रेष्ठ, सुबी मगर, सुमिन गुरुङ, सुशान्त श्रेष्ठलगायतको अभिनय रहेको छ ।
चलचित्रमा सम्राट बस्नेतको द्वन्द्व निर्देशन, कविराज गहतराज र रामजी लमिछानेको कोरियोग्राफी, बनिश शाहको सम्पादन, समीर मियाको भीएफएक्स रहेको छ । सुरेश न्यौपानेको कथा लेखन रहेको सिनेमामा सौरभ लामाको छायाङ्कन, शम्भुजित बाँस्कोटा र सागर आलेमगरको सङ्गीत छ । कमेडी, एक्सन र लभ स्टोरीको सम्मिश्रण रहेको सिनेमा आगामी भाद्र ८ अर्थात् अगस्ट २५ मा रिलिज गरिने निर्माण पक्षले जानकारी गराएको छ । सलोन सलिना फिल्मस्को ब्यानरमा निर्माण भएको सिनेमाको निर्मातामा राज के. अधिकारी र सुरज सरकार छन् ।
