काठमाडौँ, चैत १२ गते । झरनाको ‘चिसो पानी’ गीत न गुनगुनाउने नेपाली सायदै भेटिएलान् । गीतका रचनाकार सुरेश अधिकारीकै स्वरमा सुन्दै आएका गीतका पारखीहरूले अब यो गीत अन्य दुई गायक गायिकाको स्वरमा सुन्न पाउने भएका छन् ।
गीतकार तथा गायक सुरेश अधिकारीको गीत यतिखेर नयाँ स्वरमा बजारमा आएको छ । सगरमाथा डिजिटल प्रालिले गीतलाई रिमेक गरेको हो । गीतमा गायक राजु लामा र गायिका मेलिना राईले स्वर दिनुभएको छ । गीतमा सङ्गीत संयोजन योगेस काजी शाहले गर्नुभएको छ भने मिक्सिङ, रेकर्डिङ र मास्टरिङ पवन विश्वकर्माको रहेको छ । गीतकार अधिकारीको शब्द रचनामा सजिएको गीतमा निरजकुमार सुनारको सङ्गीत रहेको थियो ।
