सुरक्षा र मानव विवाह बन्धनमा

काठमाडौं, फागुन २५ गते । अभिनेत्री सुरक्षा पन्त विवाह बन्धनमा बाँधिनुभएको छ । उहाँले अभिनेता मानव सुवेदीसँग विवाह गर्नुभएको हो ।

सुरक्षाले सामाजिक सञ्जालमा विवाहको तस्विर सार्वजनिक गर्दै "शुभविवाह" लेख्नुभएको छ । चितवनको सौराहमा यी जोडीले नजिकका आफन्त र साथीभाइको उपस्थितिमा विवाह गर्नुभएको हो ।

अभिनेता मानवको फिल्म 'अन्तराल' र 'चिनी कम रङ कडा' मा अभिनय देख्न सकिन्छ भने यतिबेला उहाँ सर्ट फिल्म निर्देशनमा व्यस्त हुनुहुन्छ । 

यस्तै, अभिनेत्री पन्त अभिनीत नयाँ फिल्म 'बहाव' को ट्रेलर हालै सार्वजनिक भएको छ । ट्रेलरमा सुरक्षा पन्तलाई सुरक्षा विद्रोही पात्रको रूपमा देख्न सकिन्छ ।