दोलखा समाचारदाता
दोलखा, माघ १२ गते । लोकदोहोरी गायक असीमकुमार कटुवालको ‘सुन्दर दोलखा’ बोलको म्युजिक भिडियो सार्वजनिक भएको छ।
जिल्लाको पर्यटकीय महत्व र प्राकृतिक सुन्दरताको शब्दचित्रमार्फत वर्णन गरिएको भिडियो कटुवालले आफ्नै युट्युब च्यानलमा सार्वजनिक गर्नुभएको हो। प्रदीप परियारको शब्द, गायक कटुवालको सङ्गीत र विष्णु तमाङको एरेन्जमा गीतको भिडियो तयार भएको हो। भिडियोमा कुमार सुनेल, जुना कार्की, कविता महत, दीप खतिवडालगायतका कलाकारको अभिनय रहेको छ। गीतलाई निरेन श्रेष्ठले निर्देशन गर्नुभएको छ।
