काठमाडौं, पुस २३ गते। गायक तथा सङ्गीतकार शङ्कर थापा ‘स्माइल’ र गायिका शान्ति गजमेर सुनारको ‘रिसाऊ बरु सहन्छु’ बोलको गीतको म्युजिक भिडियो सार्वजनिक भएको छ।
गीतमा शब्द नवराज भुमरी आचार्यका रहेका छन्। सङ्गीत स्वयम् गायक तथा सङ्गीतकार थापाले भर्नुभएको छ। गीतमा उदय राज पौडेलले सङ्गीत संयोजन गर्नुभएको छ। भिडियोमा गायिका सुनार र प्रिन्स विश्वकर्माले फिचर्ड गर्नुभएको छ।
कालिन्चोक वरपरका दृश्य समेटिएको भिडियोको छायाङ्कन सुजन श्रेष्ठले गर्नुभएको हो। यो भिडियोको सम्पादन दिन्सन शाहले गर्नुभएको हो।
प्रनव सुनार निर्माता रहेको भिडियोलाई मुनाल शिशिर कोइरालाको निर्देशनमा तयार पारिएको हो।
