काठमाडौं, पुस २१ गते । फिल्म 'हात्तीछाप'मा अभिनेत्री उपासनासिंह ठकुरी अनुबन्धित हुनुभएको छ । फिल्ममा उहाँ शीर्ष भूमिकामा देखिनुहुनेछ ।
सिमोस सुनुवारको निर्देशनमा बन्ने फिल्मका निर्माता किरण नेपाली हुनुहुन्छ । किरण यो वर्षको हिट फिल्म ‘दुई नम्बरी’का समेत निर्माता हुनुहुन्छ ।
‘दुई नम्बरी’मा काम गरेका दयाहाङ राई र सौगात मल्लले ‘हात्तीछाप’का लागि औपचारिक सम्झौता गरिसक्नुभएको छ । सामाजिक विषयवस्तुमा आधारित ‘हात्तीछाप’को कथा, पटकथा तथा संवाद प्रदीप भारद्वाजले लेख्नुभएको हो ।
‘हात्तीछाप’मा बुद्धि तामाङ, पुष्कर गुरुङ, प्रकाश घिमिरेलगायत कलाकारको अभिनय रहनेछ । फिल्मको छायाङ्कन आगामी चैतबाट सुरु हुनेछ ।
