काठमाडौँ, मङ्सिर ६ गते । गायकद्वय लीला श्रेष्ठ र नकुल थापाको ‘रातो कार’ बोलको लोकदोहोरी गीत सार्वजनिक गरिएको छ।
त्रिपुरा म्युजिक युट्युब च्यानलमार्फत सार्वजनिक गीतमा लीला र नकुलका साथमा गायिकाद्वय स्मृति गौतम तथा सानु धमलाको स्वर रहेको छ। गायक लीलाकै लय र सङ्गीत रहेको गीतलाई पूर्ण गुरुङले एरेन्ज गर्नुभएको छ।
गीतमा लोमस शर्मा, अनु पराजुली, सुदीप श्रेष्ठ, सुमन श्रेष्ठ, दीपा तामाङ र रूपा तिमल्सिनाको अभिनय र नृत्य रहेको छ। मिलन श्रेष्ठले निर्देशन गर्नुभएको गीतको भिडियोलाई राजाराम सिंखडाले कोरियोग्राफ गर्नुभएको हो भने गीतमा सन्तोष तिमल्सिनाको छायाङ्कन र रोशन धितालको सम्पादन रहेको छ।
