रेखीराम राना
पाल्पा, असोज १८ गते । पाल्पाको रैनादेवी छहरा –३, भुवनपोखरीमा लु १ ज २५८३ नम्बरको जिप दुर्घटना भएको छ । दुर्घटनामा परी ४ जना घाइते भएका छन् । घाइतेमध्ये १ जनाको अवस्था गम्भीर रहेको रैनादेवीछहरा–३ का वडाअध्यक्ष प्रदीप पौडेलले जानकारी दिनुभयो ।
घाइतेहरूको स्थानीय बासिन्दा र प्रहरी मिलेर उद्धार गरेका छन् । घाइतेलाई उपचारका लागि तानसेनतर्फ पठाइएको अध्यक्ष पौडेलले बताउनुभयो । पञ्चबलीको सामग्रीसहित भुवनपोखरीको गोखुङ्गा मन्दिरमा गएको जिप उकालोमा दुर्घटना भएको बताइएको प्रहरीले जनाएको छ । मङ्गरबार बिहान ११ः५० बजे जिप दुर्घटनामा परेको प्रहरीको भनाइ छ ।
