काठमाडौं, भदौ २० गते । इङ्लिस प्रियिमर लिग फुटबलको शीर्षस्थानमा रहेको आर्सनललाई म्यानचेस्टर युनाइटेडको नमिठो झट्का लागेको छ । घरेलु मैदानमा आइतबार राति भएको खेलमा युनाइटेडले आर्सनललाई ३–१ गोलले हरायो । यससँगै युनाइटेडको अपराजित यात्रामा पूर्णविराम लागेको छ ।
युनाइटेडलाई जिताउन मार्कस रासफोर्डले दुई गोल गर्नुभयो । अर्को गोल एन्टोनी सान्तोसले गर्नुभयो । आर्सनलका बुकायो साकाको गोल सान्त्वना बन्यो । एन्टोनीले ३५औँ मिनेटमा गोल गर्दै घरेलु टोलीको उत्साह जगाउनुभयो । ६०औँ मिनेटमा साकाले गोल गर्दै खेललाई बराबरीमा ल्याउनुभयो
। त्यसपछि रासफोर्डले ६६औँ र ७५औँ मिनेटमा गोल गर्दै युनाइटेडलाई सानदार जित दिलाउनुभयो । हारेपनि ६ खेलबाट १५ अङ्क बनाएको युनाइटेड शीर्षस्थानमा यथावत् छ । विजेता युनाइटेड १२ अङ्क जोड्दै पाँचौँ स्थानमा उक्लिएको छ । अर्को खेलमा ब्राइटनले लेस्टर सिटीलाई ५–२ गोलले स्तब्ध बनायो । एजेन्सी
