काठमाडौँ, फागुन ४ गते ।सुडी समाज काठमाडौँले महाशिवरात्रिका अवसरमा यहाँस्थित पशुपतिनाथ मन्दिर परिसरमा निःशुल्क स्वास्थ्य शिविरको आयोजना गरेको छ ।
शिविरमा १० हजारभन्दा बढीको निःशुल्क स्वास्थ्य परीक्षणका साथै भोजनको व्यवस्था गरिएको समाजका महाशिवरात्रि उपसमितिका संयोजक शङ्कर साह सुडीले जानकारी दिनुभयो ।
समाजद्वारा आयोजित स्वास्थ्य शिविरमा पाँच सयभन्दा बढीको उपचारका साथै निःशुल्क औषधि वितरण गरिएको थियो । समाजका अध्यक्ष शीतलप्रसाद महतोले हिन्दु धर्म, संस्कृतिको जगेर्ना र सद्भाव अभिवृद्धि गर्न यस्ता कार्यले महत्वपूर्ण योगदान पुर्याउने बताउनुभयो ।
कार्यक्रममा समाजका उपाध्यक्ष विनय गामी, महासचिव डा प्रकाशचन्द्र पञ्जियार, सचिव वीरेन्द्रकुमार साह, कोषाध्यक्ष विनोद महासेठलगायतको उपस्थिति रहेको थियो ।
सो अवसरमा संविधानसभा सदस्य शैल महतो, समाजका सदस्यहरु रेखा महतो, प्रियङ्का पूर्वे, ममता महासेठलगायतलाई सम्मान समेत गरिएको थियो । रासस
-square-thumb.jpg)
