कोकिला ढकाल
इलाम, माघ १८ गते । आगामी फागुन २१ गते हुने निर्वाचनका लागि खटाइने निर्वाचन प्रहरीको तालिम इलाममा सुरु भएको छ । नेपाल प्रहरीतर्फ एक हजार सात सय ३४ जना र शसस्त्र प्रहरीतर्फ एक सय ७९ जना गरी एक हजार नौ सय १३ जना निर्वाचन प्रहरीलाई तालिम दिन थालिएको हो ।
इलाम सदरमुकामसहित जिल्लाका चुलाचुली, दानाबारी, फिक्कल, पशुपतिनगर र मङ्गलबारे गरी ६ स्थानमा तालिम सुरु गरिएको जिल्ला प्रहरी कार्यालय इलामका डिएसपी लक्ष्मी भण्डारीले बताउनुभयो ।
‘भर्ना भएका सबै निर्वाचन प्रहरीलाई उनीहरूको पायक पर्ने स्थान रोज्न लगाएर तालिम हुने स्थान छुट्याइएको छ । सबै आजबाट रोजेको स्थानमा सहभागी भएका छन्’ भण्डारीले भन्नुभयो । आगामी २७ गतेसम्म तालिम हुने र त्यसपछि निर्वाचन प्रहरी ४० दिन निर्वाचनमा खटिने छन् ।
-original-thumb.jpg)
