राममणि दाहाल
मकवानपुर, मङ्सिर १३ गते। मकवानपुरको थाहा नगरपालिका ४ मा एक व्यक्तिको लडेर मृत्यु भएको छ।
मकवानपुर कैलाश गाउँपालिका ५ ठोस्ने घर भएर हाल थाहा नगरपालिका ४ ठुलोमार्खुस्थित ज्ञानमाया लामाको घरमा खेती किसान गरी बस्ने वर्ष ४८ को मानबहादुर जिम्बाको शुक्रबार राति लडेर मृत्यु भएको जिल्ला प्रहरी कार्यालय मकवानपुरले जनाएको छ।
मानबहादुर जिम्बा बसिरहेको अवस्थामा एक्कासी लडेर मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक पुष्कर बोगटीले जानकारी दिनुभयो।
जिम्बाको शव हेटौँडा अस्पताल मकवानपुरमा ल्याइएको छ।
