गोरखापत्र अनलाइन
काठमाडौँ, मङ्सिर १३ गते । सुदूरपश्चिमाञ्चल सरोकार मञ्च नेपालले दीर्घसिंह बमको अध्यक्षतामा नयाँ कार्य समिति चयन गरेको छ । आज भएको १४ औँ साधारणसभाले नयाँ कार्य समिति चयन गरेको हो ।
मञ्चका सचिव रामदत्त जोशीका अनुसार मञ्चको उपाध्यक्षमा टीकाराम भट्ट, लक्ष्मी शाह चयन हुनुभएको छ । त्यस्तै महासचिवमा सुरेन्द्र जोशी, सचिवमा रामदत्त जोशी र कोषाध्यक्षमा बिना श्रेष्ठ चयन हुनुभएको छ ।
त्यस्तै, मञ्चको सदस्यहरूमा क्रमशः अनुप उपाध्याय, अरुणकुमार शाह, गुणाकर भट्ट, जनक धामी, नरेश खत्री, पदमराज भट्ट, महेशविक्रम शाह, मनोज महतो, सूर्यबहादुर शाह, दिकरदेव भट्ट रहनुभएको छ । थप सदस्यहरूको टुङ्गो अर्को बैठकबाट लगाउने सचिव जोशीले जानकारी दिनुभयो ।
सुदूरपश्चिमको समग्र विकास र सुदूरपश्चिमवासीको चेतनावृद्धिमा मञ्चले स्थापनाकालदेखि काम गर्दैआएको सचिव जोशीले बताउनुभयो ।
