काठमाडौँ, मङ्सिर १३ गते। नेपाल आइडलका विजेताद्वय करण परियार र गङ्गा सोनामले पहिलो पटक सहकार्य गरेको गीत राधिका सार्वजनिक भएको छ। परियार र सोनामको युगल स्वर रहेको गीत ओएसआर डिजिटल मार्फत् सार्वजनिक गरिएको हो।
परियार सिजन ५ र सोनाम सिजन ६ का विजेता हुनुहुन्छ। भोला नाथ पाठकको शब्द र लेखु सहयात्रीको सङ्गीतमा तयार गीत तयार भएको हो। कृष्णदेव रुपाखेतीको निर्देशन तथा पुनम श्रेष्ठको कोरियाेग्राफीमा तयार भिडियोमा स्मारिका ढकाल र बद्रीप्रसाद तिवारी फिचर्ड हुनुहुन्छ।
राधा कडरिया निर्माता रहेको भिडियोमा मीन रावलको सम्पादन छ तथा उत्सव दाहालको छायाङ्कन रहेको छ। गीतकार पाठकले प्रेमिल मुड जगाउने प्रकारको गीत भएकाले दर्शकले मन पराउने विश्वास व्यक्त गर्नुभएको छ। गीत गायनमा करण र गङ्गाको पहिलो सहकार्य हो। निर्देशक कृष्ण देव रुपाखेतीले अडियो नै अब्बल रहेको र गीतको भाव अनुसारको गुणस्तरीय भिडियो निर्माणमा कुनै पनि कम्परमाइज नगरेको दाबी गर्नुभएको छ। भिडियो ओएसआर डिजिटलबाट बजारमा आएको हो।
