यज्ञप्रसाद सापकोटा
गुलरिया (बर्दिया), मङ्सिर १३ गते । नेकपा (एमाले) बर्दियाले कठामाडौँमा मङ्सिर २७ गते सुुरु हुन गइरहेको एघारौँ राष्ट्रिय महाधिवेशनका लागि १५ जना प्रतिनिधि सर्वसम्मत चयन गरेको छ ।
सर्वसम्मत प्रतिनिधि हुनुहुनेमा निर्वाचन क्षेत्र १ बाट शालिकराम अधिकारी, लालबहादुर श्रेष्ठ, पदम ढकाल, अम्मरबहादुर खड्का, कृष्ण गुरुङ्ग, नारायणी चौधरी, लक्ष्मी अधिकारी र रामकुमार चौधरी रहनुभएको छ ।
त्यसैगरी निर्वाचन क्षेत्र २ बाट घननाराण श्रेष्ठ, दुर्गा वली, सङ्गीता चौधरी, मेनका पोख्रेल र भरत धामी सर्वसम्मत चयन हुनुभएको छ । जिल्ला स्तरको दलित क्षेत्रबाट भुपेन्द्र सेरला र विमला वि.क. सर्वसम्मत प्रतिनिधि छनाेट हुनुभएको एमाले प्रचार विभाग प्रमुख झविन्द्र खत्रीले बताउनुभयो ।
गत मङ्गलबार प्रतिनिधि हुन इच्छुक पार्टी सदस्यलाई इच्छापत्र दिन आह्वान गरिएको थियो । जिल्लाभरिबाट ९६ जनाले दिएको इच्छापत्रमा सर्वसम्मतको प्रयास गरिएको थियो । सर्वसम्मत प्रतिनिधि छनोटका लागि कार्यदल गठन गरिएको थियो ।
