काठमाडौँ, मङ्सिर १३ गते । नेपाल प्रिमियर लिग (एनपिएल) अन्तर्गत शनिबार शीर्षटोली सुदूरपश्चिम रोयल्स र साविक विजेता जनकपुर बोल्ट्सबिच प्रतिस्पर्धा हुँदैछ ।
त्रिवि क्रिकेट मैदान कीर्तिपुरमा अहिले जनकपुरले टस जितेर पहिले ब्याटिङ रोजेको छ । सुदूरपश्चिम आफ्नो अपराजित लय कायम राख्ने लक्ष्यमा छ । यता लगातार हार खेपेको जनकपुर सुदूरपश्चिमको लयमा पूर्णविराम लगाउने तरखरमा छ ।
यसअघि चार खेलमा शतप्रतिशत जित निकालेको सुदूरपश्चिम आठ अङ्कसहित शीर्षस्थानमा छ । यसअघिका नीनै खेल गुमाएको जनकपुरले अङ्कको खाता खोल्न सकेको छैन ।
त्रिवि मैदानको प्यारापिटमा खचाखच दर्शकबिचको पूर्व विजेता र उपविजेताको यस भिडन्त थप रोचक हुने अपेक्षा गरिएको छ ।
