काठमाडौँ, मङ्सिर ११ गते । नेपालकी सानुमाया थिङले इजिप्टको कायरोमा बिहीबारदेखि सुरु भएको २७औँ डब्लुकेएफ विश्व कराते च्याम्पियनसिपमा पराजय भोग्नुभएको छ ।
एकल कातामा नेपालको प्रतिनिधित्व गर्नुभएकी सानुमायाले तीनवटै खेलमा हार खेप्नुभयो । उहाँ पहिलो खेलमा कोलम्बियाकी मचादो भ्यालेन्टिना जापातासँग, दोस्रो खेलमा आयोजक इजिप्टकी आया हेस्मामसँग र तेस्रो खेलमा फ्रान्सकी हेल्बिटिया ताइलीसँग पराजित हुनुभएको हो ।
नोभेम्बर ३० तारिखसम्म हुने च्याम्पियनसिपमा अब नेपालकी एरिका गुरुङ ६८ केजीमाथि तौल समूहको कुमुतेमा प्रतिस्पर्धा गर्नुहुनेछ । एरिकाको खेल शुक्रबार छ ।
नेपाली टोलीको अफिसियलमा नेपाल कराते महासङ्घका अध्यक्ष युवराज लामा, महासचिव दावा गुरुङ र कृष्णप्रसाद गौतम, टिम व्यवस्थापकमा रवि महर्जन तथा प्रशिक्षकमा कुशल श्रेष्ठ र मन्डेकाजी श्रेष्ठ रहनुभएको छ ।
-original-thumb.jpg)
-square-thumb.jpg)
-original-thumb.jpg)
