काठमाडौँ, कात्तिक २८ गते । निर्वाचन आयोग नेपालले आज नयाँ गठित नेपाली कम्युनिष्ट पार्टीलाई आधिकारिक दल दर्ताको प्रमाणपत्र प्रदान गरेको छ। माओवादी केन्द्र, नेकपा (एकीकृत समाजवादी) लगायत १२ वटा वाम समूहको एकतापछि बनेको उक्त पार्टीलाई आयोगले दर्ता प्रमाणपत्र प्रदान गरेको जानकारी पार्टीका नेता लिलामणि पोखरेलले दिनुभयो।
कात्तिक १९ गते माओवादी केन्द्र, एकीकृत समाजवादीलगायतका विभिन्न वाम शक्तिबीच एकता घोषणा गर्दै नयाँ पार्टी गठन गरिएको थियो। नवगठित पार्टीको संयोजकका रूपमा पुष्पकमल दाहाल ‘प्रचण्ड’ जिम्मेवारी सम्हालिरहनुभएको छ।
प्रतिनिधिसभा निर्वाचन फागुन २१ गतेका लागि तोकिएको सरकारको निर्णयपछि दल दर्ता प्रक्रियाका लागि कात्तिक ३० गतेसम्मको समयसीमा निर्धारण गरिएको छ।
