काठमाडौँ, कात्तिक १३ गते। सञ्चार तथा सूचना प्रविधि मन्त्री जगदीश खरेलसँग नेपालका लागि भारतीय राजदूत नवीन श्रीवास्तवले शिष्टाचार भेट गर्नुभएको छ।
सिंहदरबारस्थित सञ्चार मन्त्रालयमा भएको भेटमा नेपाल र भारतबीच रहेको द्विपक्षीय ऐतिहासिक सम्बन्ध, द्विपक्षीय सहकार्य तथा वर्तमान अवस्था र नेपाल सरकारका प्राथमिकता सम्बन्धमा छलफल भएको छ ।
भेटमा नेपाल र भारतबीच रहेको ऐतिहासिक सम्बन्ध, नेपालमा भारतको सहयोगमा सञ्चालित विकास आयोजना लगायत विभिन्न विषयमा छलफल भएको सञ्चारमन्त्रीको निजी सचिवालयले जनाकारी दिएको छ।
मन्त्री खरेलले नेपालको विद्यमान विशिष्ट परिस्थितिको बारेमा उल्लेख गर्दै स्वतन्त्र तथा निष्पक्ष रुपमा निर्वाचनलाई सम्पन्न गर्ने, भष्टाचार नियन्त्रण र सुशासन प्रवद्र्धन गर्ने कार्य सरकारको प्रमुख प्राथमिकतामा रहेको जानकारी गराउनुभयो ।
सरकारका प्रवक्ता समेत रहनुभएका सञ्चारमन्त्री खरेलले निर्धारित निर्वाचनको वातावरणका लागि सरकारले राजनीतिक दल र जेनजी प्रतिनिधिसँग औपचारिक रुपमा वार्ता संवाद अगाडि बढाएको र बुधबारमात्रै सरकार, राजनीतिक दल र जेनजी प्रतिनिधिबीच पहिलो पटक औपचारिक रुपमा त्रिपक्षीय बैठक भएको र सबै निर्वाचनको लागि सकारात्मक रहेको जानकारी गराउनुभएको छ ।
राजदूत श्रीवास्तवले सञ्चारमन्त्री खरेललाई बधाई ज्ञापन गर्दै असल छिमेकीको नाताले नेपालको आवश्यकताअनुसार भारतको सहयोग रहने प्रतिबद्धता व्यक्त गर्नुभएको छ।भारत सरकार नेपालको आर्थिक रुपान्तरण एवम् समृद्धिका लािग नेपालको प्राथमिकताका क्षेत्रमा वित्तीय र प्राविधिक सहयोग अघिवृद्धि गर्न उत्सुक रहेको तथा भारत सरकार नेपाल सरकारलाई सहयोग गर्न प्रतिवद्ध रहेको समेत जानकारी गराउनुभयो।भेटवार्तामा सञ्चार मन्त्रालय र परराष्ट्र मन्त्रालयका अधिकारीको पनि सहभागिता थियो।
यसअघि सञ्चारमन्त्री खरेलसँग नेपालका लागि चिनियाँ राजदूत चेन सोङ्ग र नेपालका लागि अमेरिकाका राजदूत डिन आर थम्पसनले छुट्टाछुट्दै शिष्टाचार भेट गर्नुभएको थियो।
