साहारा लिम्बू
फुङलिङ, कात्तिक ७ गते । ताप्लेजुङमा खोलाले बगाउँदा एक जना बेपत्ता हुनुभएको छ । फुङलिङ नगरपालिका–७ निवासी वर्ष ३० का राजन काम्बाङ बेपत्ता हुनुभएको हो ।
शुक्रबार काम्बाङ ससुरालीबाट घर फर्कने क्रममा फुङलिङ नगरपालिका–८ स्थित रहेको खड्कुले तमोर खोलामा पौडी खेल्दा खोलाले बगाएर बेपत्ता हुनु भएको सूचना अधिकारी तथा प्रहरी निरीक्षक विवेक बस्नेतले जानकारी दिनुभयो । बेपत्ता हुनुभएको काम्बाङको खोजी कार्य जारी रहेको प्रहरीले जनाएको छ ।
