मधुपर्कको ५८ औँ वार्षिकोत्सव

जीवनभर साहित्य साधनामा अनवरत रूपमा समर्पित तीन वरिष्ठ साहित्यकारलाई ‘मधुपर्क सम्मान २०८२’ प्रदान गरिएको छ । मधुपर्कको ५८ औँ वार्षिकोत्सवका अवसरमा आयोजित कार्यव्रmममा मधुपर्क सम्मान पद्यतर्फ वरिष्ठ कवि ज्ञान उदास, गद्यतर्फ वरिष्ठ कथाकार ध्रुव सापकोटा तथा खुला प्रतिभातर्फ कथाकार पद्मावती सिंहलाई सम्मान गरिएको हो । 

सम्मानित साहित्यकाहरूलाई कार्यव्रmमको प्रमुख अतिथिसमेत रहनुभएका वरिष्ठ साहित्यकार डा. राजेन्द्र विमल र गोरखापत्र संस्थानका कार्यकारी अध्यक्ष विष्णुप्रसाद सुवेदीले संयुक्त रूपमा ५० हजार रुपियाँ नगदसहित सम्मान प्रदान गर्नुभयो । मधुपर्कले साहित्यमा निरन्तर दीर्घ साधना, उत्कृष्ट सिर्जनशीलता र प्रकाशित साहित्यिक कृतिहरूले समाजमा पारेको सकारात्मक प्रभावलगायतका विषयलाई आधार मानेर वरिष्ठ साहित्यकार कृष्ण गौतमको संयोजकत्वमा पुरस्कार छनोट समिति गठन गरेको थियो । पुरस्कृत अग्रज साहित्यकार ज्ञान उदासको पहिलो कविता विसं २०२७ सालमा ‘आमासित’ मधुपर्कमा प्रकाशित भएको थियो भने छ दशकदेखि नेपाली साहित्यका क्षेत्रमा व्रिmयाशील कथाकार धु्रव सापकोटाको पनि २०२७ सालमा नै पहिलो कथा प्रकाशित भएको थियो । यसै गरी विसं २०२२ सालबाट साहित्यिक यात्रा सुरु गर्नुभएको आख्यानकार पद्मावती सिंहको पनि दर्जनौँ साहित्यिक कृतिहरू प्रकाशित छन् । साहित्यमा अनवरतरूपमा लागिरहनुभएको सिंहको केही प्रसिद्ध उपन्यासहरू पनि प्रकाशित छन् । उहाँहरूको दीर्घ साधना र साहित्यिक क्षेत्रमा अनवरत रूपमा पु¥याउनुभएको योगदानको सम्मान स्वरूप उहाँहरूलाई मधुपर्क सम्मान अर्पण गरिएको हो । 

 मधुपर्क सम्मान अर्पण कार्यव्रmममा संस्थानका कार्यकारी अध्यक्ष विष्णुप्रसाद सुवेदीले साहित्यिक पत्रिका मधुपर्कले नेपाली साहित्यको गरिमामय इतिहासलाई निरन्तरता दिएको भन्दै अग्रज साहित्यकारहरूलाई सम्मान गर्न पाउनु गोरखापत्रका लागि पनि गौरवको विषय भएको बताउनुभयो । साथै उहाँले मधुपर्क सिङ्गो नेपाली साहित्यको पाठशाला बनिरहेको र नेपाली साहित्यिक यात्रामा सबै कालखण्डहरूको ऐतिहासिक साक्षी पनि बनिरहेकोमा गर्वको महसुस भएको बताउनुभयो । 

 मधुपर्कलाई स्रष्टाहरूको चाहाना र समयअनुसार थप आकर्षक शैलीमा परिष्कृत र परिमार्जन गर्ने उद्देश्य अनुरूप यसको पृष्ठ सङ्ख्या थप गर्ने र डिजिटल माध्यमबाट विस्तार गर्ने तयारी भइरहेको पनि उहाँले जानकारी दिनुभयो । 

यसै गरी कार्यव्रmममा वरिष्ठ साहित्यकार तथा कार्यव्रmमका प्रमुख अतिथि राजेन्द्र विमलले नेपाली साहित्य क्षेत्रमा धेरैलाई साहित्यकारका रूपमा स्थापित गराउन मधुपर्कको भूमिका महìवपूर्ण रहेको बताउनुभयो । नेपाली साहित्य क्षेत्रमा अग्रज साहित्यकारहरूको योगदानलाई कदर गर्दै मधुपर्क सम्मान जस्तो अनुकरणीय सम्मान अर्पणको सुरुवात गरेर आउने प्ुस्ताका लागि पनि ठुलो गुन लगाएको बताउनुभयो । 

साथै पुरस्कार छनोट समितिका संयोजक साहित्यकार कृष्ण गौतमले अहिले विश्वविद्यालयमा साहित्य पढ्ने विद्यार्थीको सङ्ख्यामा कमी आइरहेको र प्राध्यापकहरूको सङ्ख्या घटिरहेकोे अवस्थामा गोरखापत्रले प्रदान गर्ने यस्तो सम्मानले समग्रमा नेपाली साहित्य क्षेत्रको श्रीवृद्धिमा समेत योगदान पुग्ने बताउनुभयो ।  हिजोआज इतिहास, साहित्य तथा दर्शनको अध्ययनतर्फ विद्यार्थीहरूको चाहना कम हुँदै गएकोमा चिन्ता व्यक्त गर्दै गौतमले विद्यार्थी अभावमा मानविकी सङ्कायका विभिन्न विषयको पढाइ बन्द हुने अवस्थामा पुगेको बताउनुभयो । 

मधुपर्कका निमित्त सम्पादक त्रिभुवनचन्द्र वाग्लेले साहित्यका क्षेत्रमा लामो समय बिताउनुभएका अग्रज साहित्यकारहरूको मधुर्पकप्रतिको माया, प्रेम र स्नेहका कारण मधुपर्क आज नेपाली साहित्यको ऐतिहासिक धरोहर बन्न सफल भएको बताउनुभयो । साथै उहाँले आफ्ना अमूल्य साहित्यिक सिर्जनाहरू दिएर मधुर्पकलाई स्रष्टाहरूले लगाउनुभएको गुन मधुपर्कका लागि ठुलो योगदान भएको चर्चा गर्दै यस्तै स्नेह मधुपर्कले भविष्यमा पनि पाइरहने छ भन्ने विश्वास रहेको पनि बताउनुभयो । 

पुरस्कृत साहित्यकार सिंहले नेपाली भाषा, साहित्य र संस्कृतिका जगेर्ना गर्न विशिष्ट योगदान पु¥याएको मधुपर्कले आफूहरूलाई सम्मान गरेर साहित्य सिर्जनामा अझ लगनशील भएर लाग्ने प्रेरणा दिएको बताउनुभयो । कथाकार सापकोटाले स्थापना कालदेखि नै आफ्नो रचना प्रकाशन गरेर गुन लगाएको मधुपर्कले पुरस्कारसमेत प्रदान गरेर थप सम्मान दिएको बताउनुभयो । साहित्यकार उदासले २०२७ सालदेखि आफ्नो रचना मधुपर्कमा छापिन थालेको स्मरण गर्दै पछिल्लो पुस्तामा साहित्य सिर्जनातर्फ रुचि जगाउन नसकिएकोमा चिन्ता व्यक्त गर्नुभयो ।