काठमाडौँ, साउन २८ गते। पुनरावेदन अदालत पाटनले पूर्व अध्यक्ष गणेश थापा र उहाँका छोरा गौरव थापाले अखिल नेपाल फुटबल सङ्घ (एन्फा)को विरुद्धमा दर्ता गरेको रिट खारेज गरेको छ।
गणेश थापाले एन्फा र अध्यक्ष पङ्कज विक्रम नेम्बाङको विरुद्धमा १९ वैशाख र ३१ वैशाखमा अदालतको अवहेलना भन्दै दर्ता गरेको रिटमा दाबी नपुग्ने भन्दै खारेज भएको हो।
थापाले एन्फाको साधारण सभाको वैधानिकता र आफ्नो सहभागिताको दाबी गर्दै १९ वैशाखमा रिट दायर गर्नुभएको थियो।
यसैगरी गौरवले पनि २३ वैशाखमा साधारण सभामा सहभागिताको विषय तथा २ जेठमा अदालतको अवहेलना सम्बन्धमा एन्फा र अध्यक्ष पङ्कज विक्रम नेम्बाङलाई विपक्षी बनाइ मुद्दा दायर गर्नुभएको थियो।
वैशाखा २६ गते काभ्रेको धुलिखेलमा भएको साधारण सभामा अध्यक्ष थापाले फिफाको १० वर्षको प्रतिबन्धको समय सकिएका कारण प्रवेश पाउनुपर्ने आवाज उठाए पनि एन्फाले प्रक्रिया नपुगेको भन्दै दुवैलाई प्रवेश दिएको थिएन।
