शशिधर पराजुली
विराटनगर, साउन २८ गते । विराटनगरको बाल सुधारगृहमा झडप भएको छ । विराटनगर ३ मा रहेको बाल सुधारगृहमा बस्दै आएका बाल बिझ्याइँकर्ताहरुको समूह हुल बाँधेर बाहिर निस्किन खोजेपछि सुरक्षामा खटिएका सुरक्षाकर्मीसँग झडप भएको प्रहरीले जनाएको छ ।
झडपमा नेपाल प्रहरीका एक जना वरिष्ठ प्रहरी हवल्दार हिरणकुमार मण्डल घाइते हुनुभएको छ । अर्का एक जना कर्मचारी पनि घाइते भएको प्रहरीले जनाएको छ ।
झपडपछि सुधारगृहबाट ठूलो सङ्ख्यामा बिझ्याइँकर्ताहरु बाहिर निस्किएको र केही फर्केको बताइएको छ । अहिले सुधारगृह प्रहरीले नियन्त्रणमा लिएको छ । के कति बालक छन् त्यसको गणना गर्ने काम भइरहेको मोरङ प्रहरीका प्रमुख एसपी नारायणप्रसाद चिमरियाले जानकारी दिनुभयो । सुधारगृहमा २०० भन्दा बढी बालक छन् ।
