प्रेम अधिकारी
पशुपतिनगर(इलाम) साउन २८ गते । इलाम रोङ गाउँपालिका ४ मानाबुङ का ६० वर्षीय वीरबहादुर राईको पहिरोले पुरिएर मृत्यु भएको छ । बुधबार दिउँसो घरबाट तीनसय मिटर टाढा बाटोमा पैदल हिँडिरहेको अवस्थामा लेदोसहितको पहिरो खसेर पुरिँदा राईको मृत्यु भएको हो ।
जिल्ला प्रहरी कार्यालय इलामका प्रहरी नायब उपरीक्षक मान बहादुर राईका अनुसार राईलाई पहिरोले पुरेको खबर गरेपछि घटनास्थलमा पहरी पुगेको थियो । लेदोसहितको पहिरोले पुरिएर राईको घटनास्थलमै मृत्यु भएको हो ।
इलामका दर्जनौँ सडक पहिरो झरेर अवरुद्ध भएका छन् । रातिदेखिको वर्षाका कारण विभिन्न ठाउँमा क्षति भएको छ ।
