राधाकृष्ण डुम्रे
वालिङ(स्याङ्जा) साउन २७ गते । स्याङ्जामा चितुवाको आक्रमणबाट एक युवक घाइते भएका छन् । वालिङ नगरपालिका–११ गाजने खोल्सा नजिकै स्थानीय प्रदीप अर्याललाई चितुवाले आक्रमण गरेको हो । सोमबार साँझ स्कुटरमा सवार अर्याललाई अचानक चितुवाले आक्रमण गरेको वडा अध्यक्ष डण्डपानी पंगेनीले बताउनुभयो ।
घाइते अर्यालको गह्रौं प्राथमिक अस्पतालमा प्रारम्भिक उपचारपछि थप उपचारका लागि पोखरा लगिएको प्रहरीले जनाएको छ ।
पछिल्लो समय स्याङ्जाका विभिन्न गाउँमा घरपालुवा जनावर तथा पंछीहरुलाई चितुवाले निरन्तर आक्रमण गरिरहेको छ । जसको कारण ग्रामीण जनजीवन प्रभावित भएको वडा अध्यक्ष पंगेनीले बताउनुभयो ।
