.jpeg)
सरोज ढुंगेल
झापा, असार ४ गते । आइतवार संयुक्त अरव इमिरेट्स (युएइ) का राजकुमार शेख मोहम्द विन मक्तोमिउम जुमाल मक्तोउम पूर्वाञ्चल क्यान्सर अस्पतालको पेट सिटी स्क्यान उद्घाटन गर्न झापा आइपुग्नुभएको छ ।
शनिवार बिहान निजी विमानबाट काठमाडौ आइपुग्नुभएका राजकुमार लगत्तै भद्रपुर झापा आउनुभएको हो । पूर्वाञ्चल क्यान्सर अस्पतालका कार्यकारी निर्देशक दुर्गा प्रसाइको निमन्त्रणामा ४ दिने भ्रमणका लागि आउनुभएका राजकुमारले आइतवार पेटसिटी स्क्यानको उदघाटन गर्नुहुनेछ । ्
पूर्वाञ्चल क्यान्सर अस्पतालका कार्यकारी निर्देशक दुर्गा प्रसाइले झापामा अन्य व्यापारिक विषयमा पनि सम्झौता हुने बताउनुभयो । अस्पतालले दुई वर्षअघि ल्याएको पेट सिटि स्क्यान मेसिन कार्यविधि अभावका कारण सञ्चालनमा आउन सकेको थिएन । पेट सिटिमा प्रयोग हुने साइक्लोटोन कार्यविधि नबनाएका कारण रोकिएको थियो ।
साइक्लोटोन प्रयोगसम्वन्धी कार्यविधि बनेसँगै राजधानी बाहिर पहिलो पटक पेट स्क्यान सेवा पूर्वाञ्चल क्यान्सर अस्पतालले सुरु गर्नेभएको छ । झापामा पेट सिटि सेवा सुरु भएसँगै क्यान्सरको फैलावट पत्ता लगाउन भारत र अन्य देश जानुपर्ने परिस्थिति अन्त्य हुनेछ ।
