थर मेरो घिमिरे नाम हो आहाना
कविता भनेर खुसी हुने चाहना
म कक्षा ५ की आज्ञाकारी छात्रा
मन पराउँछु संस्कृति र जात्रा ।
विजय स्मारक मावि हो मेरो स्कुलको नाम
विद्यार्थीलाई ज्ञान गुण सिकाउने यसको काम
रहेको छ कालिकास्थान डिल्लीबजार
बनाइसक्यो कर्मठ नागरिक हजारौँ हजार ।
पाएकी छु गुरुको माया, सिकाउँछन् अनेक ज्ञान
यसैबाट बन्ने छु म असल र बुद्धिमान
बुक फ्री फ्राई डेमा खेल्छौँ सिक्छौँ नयाँ कुरा
ज्ञान र सिप सिकी गर्छौं देशको माग पूरा ।
विद्यालयले बनाउने छ मलाई योग्य र दक्ष
पढी गुनी देशको सेवा गर्ने मेरो लक्ष्य
विजय स्मारक हो मेरो आधार
ज्ञानको दीप जलाउने यो संसार ।
पुस्तक मात्र पढ्ने होइन यहाँ
शिक्षक र साथीसँग रमाइन्छ जहाँ
पढ्छु म शिक्षकको प्रेरणालाई सँगाल्दै
बढ्दै छु म देशप्रेम र राष्ट्रभक्त अँगाल्दै ।
विद्यालयले देखाएको उज्यालो यो बाटो
विद्यालयको इज्जत बढाउने छु यसको साटो
बन्ने छौँ हामी धेरै धेरै ज्ञानी
शिक्षक र स्कुलले भनेको कुरा मानी ।
मेरो विद्यालय हो मेरो गौरव
यहीँ पढी देखाउने छु मेरो पौरख
सबै कुरा सिकाउने स्कुलको आँगन
फैलाउन चेतना सबै साथी जाग न ।
