नेकपा एस गुल्मीको १२ औँ जिल्ला अधिवेशन चैत २६ गते

टोपलाल अर्याल
रेसुङ्गा, चैत २३ गते । नेपाल कम्युनिष्ट पार्टी (एकीकृत समाजवादी) गुल्मीको १२ औँ जिल्ला अधिवेशन आगामी चैत २६ गते तम्घासमा हुने भएको छ । अधिवेशनका लागि नेकपा एसका उपमहासचिव तथा लुम्बिनी प्रदेश इन्चार्ज मेटमणि चौधरी, केन्द्रीय सचिव सोमप्रसाद पाण्डे, पोलिट ब्यूरो सदस्य रामकुमारी झाँक्री, अब्दुल हुसेन खाँ, केन्द्रीय सदस्य तथा गुल्मी जिल्ला इन्चार्ज यादवबहादुर रायमाझीलगायत आउने नेकपा एस गुल्मीका उपाध्यक्ष राममल्ल ठकुरीले जानकारी दिनुभयो । 

अधिवेशनले नयाँ नेतृत्व समेत चयन गर्नेछ । उद्घाटन र बन्दसत्र एकैदिन गर्ने योजना रहेको छ । पार्टीको समीक्षा, आगामी रणनीति र सङ्गठन विस्तारका विषयमा छलफलसहित सर्वसम्मत नेतृत्व चयन हुने उपाध्यक्ष ठकुरीले बताउनुभयो । अधिवेशनका लागि २५० प्रतिनिधि रहेका छन् । अधिवेशन व्यवस्थापनका लागि विभिन्न उपसमितिमार्फत जिम्मेवारी प्रदान गरिएको पार्टीले जनाएको छ ।