गोरखापत्र समाचारदाता
काठमाडौँ, चैत २३ गते । वाणिज्य, आपूर्ति तथा उपभोक्ता संरक्षण विभागले अटोमोबाइल र अटोपार्ट्समा अधिकतम खुुद्रा मूल्य (एमआरपी) तोक्न अटोमोबाइल एसोसिएसन नेपाल (नाडा) लाई निर्देशन दिएको छ ।
विभागका महानिर्देशक कुुमार दाहालले शुुक्रबार नाडा व्यवसायीसँगको औपचारिक छलफलमा अटोपार्ट्स एमआरपी तोकेर मात्रै बजारमा ल्याउन निर्देशन दिनुुभएको हो ।
यसअघि डन्डी र सिमेन्ट उद्योगीलाई बोलाएर एमआरपी तोक्न निर्देशन दिएको विभागले शुुक्रबार नाडाका पदाधिकारीलाई बोलाएर एमआरपी तोक्न निर्देशन दिएको हो ।
अहिलेसम्म अटोमोबाइल र अटोपार्ट्सको एमआरपी नतोकिँदा व्यापारीले जति भन्छन् उपभोक्ता त्यति नै तिर्न बाध्य छन् । यस्ता वस्तुुको मूल्य पसलैपिच्छे फरक हुुने गरेको छ । कतिपय व्यापारीले व्यक्तिको अनुुहार हेरेर मूल्य भन्ने प्रवृतिको अन्त्यका लागि पनि अटोमोबाइल र अटोपार्ट्समा अनिवार्य एमआरपी तोक्नुुपर्ने आवश्यकता रहेको जनाइएको छ ।
छलफलमा नाडाका अध्यक्ष करण चौधरीले एक साताभित्र सबै व्यवसायीले अटोमोबाइल र अटोपार्ट्सको एमआरपी तोकेर मात्रै बिव्रmी गर्ने प्रतिबद्धता व्यक्त गर्नुुभयो । सबै व्यवसायीलाई यस विषयमा आजैदेखि ‘इमेलमार्फत सर्कुुलर’ गर्ने पनि उहाँले प्रतिबद्धता जनाउनुुभयो ।
विभागले यो साताको सुुरुदेखि नै अटोमोबाइल र अटोपार्ट्सका व्यवसायी फर्मको अनुुगमन गर्दै आएको थियो । शुुव्रmबार १२ वटा व्यवसायी फर्मको अनुुगमन गरेकोमा दी फेसन अन ह्विल र पर्फेक्ट अटो इन्टरप्राइज, श्री बालाजी अटोपार्ट्स, दी कार मार्टको बिव्रmीवितरण रोक्का गर्नुुका साथै तीन दिनभित्र आवश्यक कागजातसहित विभागमा उपस्थिति हुुन निर्देशन दिइएको छ ।
विभागका अनुसार बिहीबार १० वटा अटोमोबाइल र अटोपार्ट्स फर्ममध्ये दुुई वटा व्यवसायी फर्मलाई आर्थिक जरिबाना गरेको छ । आरएसएन स्टोरलाई २० हजार र पद्यामती इन्टरप्राइजेजलाई ५० हजार रुपियाँ जरिबाना गएिको छ ।
