केदार तिमल्सिना
बनेपा, चैत २२ गते। काभ्रेपलान्चोकको पाँचखाल नगरपालिका-९ मा रहेको पलान्चोक भगवती मन्दिरको दानपेटीका चोरीको आरोपमा एक व्यक्ति पक्राउ परेका छन्।
जिल्ला प्रहरी कार्यालय काभ्रेपलान्चोकले भगवती मन्दिरको दानपेटीका चोरी गरेको आरोपमा जिल्लाको खानीखोला गाउँपालिका–७ का ३० वर्षीय रबिन खुलाललाई पक्राउ गरेको हो।
खुलालले २०७९ कात्तिक १६ गते राति दानपेटीका फोडी ७० हजार रुपियाँ चोरी गरी फरार रहेको जिल्ला प्रहरी कार्यालय काभ्रेपलान्चोकका सूचना अधिकारी प्रहरी नायव उपरीक्षक मिनबहादुर घलेले जानकारी दिनुभयो।
घटनाको सम्बन्धमा अनुसन्धान गर्ने क्रममा रामेछापको खाँडादेवी मन्दिरमा रहेको दानपेटीका फोडी उक्त दानपेटिकामा रहेको नगद चोरी गरेको घटनामा खुलाल पक्राउ परी थुनामा रहेको सूचनाको आधारमा कार्यालयबाट खटेको प्रहरी टोलीले सनाखत गरी किटानी जाहेरी दर्ता गरी अनुसन्धान कार्य अघि बढाएको प्रहरीले जनाएको छ।
