रङ्गीचङ्गी फूलैफूलको हरियाली देश
सबैलाई प्यारो लाग्ने आफ्नै भाषाभेष ।
पुतली र मौरीले सजिएको बाग राम्रो
प्राकृतिक सौन्दर्यले चिनिएको देश हाम्रो ।
नेपालको राष्ट्रिय चरा डाँफे भनी चिन्छन्
चन्द्रसूर्य अङ्कित झन्डा प्यारो मानी छुन्छन् ।
संसारमा अरू ठाउँ छैनन् भन्छन् राम्रो
हामीलाई त हाम्रै देश नेपाल नै राम्रो ।
शब्दमा नेपालको बयान कसले गर्न सक्छ
आफ्नै देशमा बसे पो देशको विकास हुन्छ ।
गाउँबेँसी सहर अनि हिमाल पहाड तराई
अनेकतामा एकता छ कोही छैनन् पराई ।
