श्यामशंकर पाण्डे
लुम्बिनी, पुस १३ गते । रुपन्देहीको रोहिणी गाउँपालिकामा डोजर चलाएर सडक किनारका घर टहरा भत्काइएको छ । रोहिणी –४ स्थित कोटहवामा डोजर लगाएर घर टहरा हटाइएको हो ।
यसअघि नै सात दिने सूचना जारी गरिएको तर, सूचना जारी गर्दा पनि खाली नगरिएपछि घर टहरा हटाउन डोजर लगाउनु परेको रोहिणी गाउँपालिकाका अध्यक्ष विद्याप्रसाद यादवले जानकारी दिनुभयो । बाटो निर्माण कार्यमा सहयोग गर्नका लागि गत मङ्सिर २८ गते गाउँपालिकाले सूचना जारी गरेको थियो । अटेर गरेपछि २०–२५ वटा घर टहरा डोजर लगाएर गाउँपालिकाले भत्काएको हो ।
आर्थिक वर्ष २०८१–८२ अन्तर्गत कोटहवा गाउँमा कालोपत्रे सडक निर्माण कार्यमा अवरोध गर्ने घर, टहरा खाली गर्न गाउँपालिकाले सूचना जारी गरेको र खाली नगरिएपछि डोजर चलाइएको हो ।
