मोटरसाइकल दुर्घटनामा एकको मृत्यु

बोमलाल गिरी

नवलपुर, मंसिर २० गते। नवलपुरमा मोटरसाइकल दुर्घटनामा परी एक जनाको मृत्यु भएको छ। अर्का एक जना घाइते भएका छन्। 

जिल्ला प्रहरी कार्यालय नवलपुरका अनुसार बिहीबार नवलपुरको गैँडाकोट नगरपालिका ४ इट्टा भट्टीस्थित कालिगण्डकी कोरिडोर  सडक खण्डमा भएको मोटरसाइकल दुर्घटनामा एक जनाको मृत्यु भएको हो। 

ढोडेनिबाट गैँडाकोटतर्फ आउँदै गरेको बा.प्र.०६–००१प ६२७३ नं.को बुलेट मोटरसाइकल  चालकले नियन्त्रण गुमाइ दुर्घटना भएको नवलपुर प्रहरीले जनाएको छ। दुर्घटनामा परी मोटरसाइकल पछाडि सवार रुपन्देही जिल्लाको सिद्धार्थनगर नगरपालिका–७ बस्ने वर्ष ३५ वर्षीय पङ्कज ज्ञवालीको उपचारको क्रममा भरतपुर अस्पताल चितवनमा मृत्यु भएको हो। 

दुर्घटनामा परी मोटरसाइकल चालक लमजुङ जिल्लाको सुन्दर बजार बस्ने ३९ वर्षीय  सुक बहादुर गुरुङ गम्भीर घाइते हुनु भएको र उहाँको नयाँ मेडिकल कलेज, चितवनमा उपचार भइरहेको प्रहरीले जनाएको छ।