लागूऔषधसहित दुई पक्राउ

भावना जोशी
अत्तरिया, मङ्सिर २० गते । लागूऔषधसहित दुईजनालाई प्रहरीले पक्राउ गरेको छ । कैलाली जिल्लाको टीकापुर नगरपालिका–९ खक्रौटाबाट १३ ग्राम १६० मिलिग्राम लागूऔषध खैरो हेरोइन सहित दुई जनालाई प्रहरीले पक्राउ गरेको हो ।

इलाका प्रहरी कार्यालय टिकापुर र प्रहरी चौकी कालाकुण्डाको नेतृत्वमा कैलालीबाट संयुक्त रुपमा खटिएको प्रहरी टोलीले सक्ति नगर बस्ने २२ वर्षीय मुकेश कामर डगौरा  र  २३ वर्षकी सृजना कुमारी चौधरीलाई पक्राउ गरेको सुदूरपश्चिम प्रदेश प्रहरी कार्यालयका प्रहरी वरिष्ठ उपरीक्षक एवम् प्रवक्ता श्याम कृष्ण अधिकारीले जानकारी दिनुभयो ।

पक्राउ परेका परेका दुवै जना माथि आवश्यक अनुसन्धान भई कारबाही प्रकृया अगाडि बढाएको समते प्रहरीले जनाएको छ  ।