आइफोनबाट छायाङ्कन गरिएको चलचित्र ‘अ प्लेस अन्डर दी सन’

गोरखापत्र समाचारदाता

काठमाडौँ, मङ्सिर ८ गते । आइफोन १४ प्रो–म्याक्सबाट छायाङ्कन गरिएको चलचित्र ‘अ प्लेस अन्डर दी सन’ अमेजन प्राइम भिडियोमा प्रदर्शन भएको छ । केही महिनाअघि काठमाडौँमा प्रिमियर गरिएको चलचित्रको ट्रेलर पनि युट्युबमा सार्वजनिक गरिएको छ । वन स्क्वाड फिल्म्सले चलचित्रलाई प्राइम भिडियोमा प्रदर्शन गरेको हो । चलचित्रको लेखन तथा निर्देशन जेसन लोप्चनले गर्नुभएको छ । तीन जना मिल्ने साथीको कथा रहेको चलचित्रमा मीन घलान, मिरा गुरुङ, प्रवेश एम्सी, अंशु शर्मा, विप्लव गौली, प्रजन पौडेल, रिदेँ श्रेष्ठलगायतको अभिनय छ ।