काठमाडौँ, भदौ १२ गते । नेपालका लेग स्पिनर सन्दीप लामिछाने र ललितनारायण राजवंशी अस्ट्रेलियाको बिग बास लिग (बिबीएल) को ‘ड्राफ्ट’ मा पर्नुभएको छ ।
बिबीएलले बुधबार सार्वजनिक गरेको ‘ड्राफ्ट’को सुचीमा नेपालका सन्दीप र ललित अटाउनुभएको हो । ‘ड्राफ्ट’ मा ३० देशका चारसय ३२ खेलाडी रहेका छन् । जसबाट सेप्टेम्बर १ तारिख खेलाडीको छनोट हुनेछ ।
सन्दीपले यसअघि पनि बिबीएल खेलिसक्नुभएको छ । ललित पहिलो पटक विदेशी लिगको ड्राफ्टमा पर्नुभएको हो । बिबिएल डिसेम्बर १५ तारिखबाट सुरु हुनेछ ।
