काठमाडौँ, भदौ १ गते । साहित्य सन्ध्याले २०८० सालको ‘साहित्य सन्ध्या पुस्कार तथा सम्मान पुरस्कार’ मोरङ विराटनगरका स्रष्टा विवनारायण पण्डितलाई प्रदान गरेको छ । पुरस्कारको राशि जनही २१ हजार एक सय छ ।
आज आयोजित कार्यक्रममा नेपाल कम्युनिष्ट पार्टी (एमाले)का उपमहासचिव प्रदीप ज्ञवालीले २०८० सालको साहित्य सन्ध्याा सहभागिता पुस्कार तथा सम्मान बालस्रष्टा सोइना दाहाललाई प्रदान गर्नुभयो । पुरस्कारको राशि पाँच हजार राशी छ ।
त्यसै गरी साहित्य सन्ध्या-मन पुरस्कार तथा सम्मान-२०८० बाजुराका स्रष्टा विनो बाजुराली, साहित्य सन्ध्या-कृबा (कृष्णचन्द्र बालकुमारी सत्याल) पुरस्कार तथा सम्मान स्रष्टा सत्यदेवी खड्का, साहित्य सन्ध्या–हरिप्रसाद चापागाई नियात्रा पुरस्कार तथा सम्मान कृष्ण बजगाईलाई प्रदान गरिएको छ । पुरस्कारको राशि जनही दश हजार छ । रासस
