काठमाडौँ, साउन ३० गते । भेट्रान ४० प्रालिको आयोजनामा भदौ १ देखि ४ गतेसम्म कर्पोरेट टी–१० क्रिकेट लिग हुने भएको छ ।
२० टोलीले सहभागिता रहने लिगलाई गोदावरी स्टिल्सले मुख्य प्रायोजन गर्नेभएको छ । ललितपुरस्थित ग्रेट हिमालयन क्रिकेट एकेडेमीको इन्डोर मैदानमा हुने प्रतियोगितामा सहभागी टोलीलाई चार समूहमा विभाजन गरिएको छ ।
प्रतियोगिताको विजेता र उपविजेतालाई ट्रफी प्रदान गरिनेछ । विजेताले आगामी संस्करणमा निःशुल्क प्रवेश पाउने आयोजकले जनाएको छ । सर्वोकृष्ट खेलाडी, उत्कृष्ट ब्याटर र बलरलाई थाइल्यान्ड भ्रमणको व्यवस्था गरिएको छ ।
यस्तै उत्कृष्ट फिल्डर र विकेटकिपरले पोखराका लागि दुईतर्फी हवाई टिकट प्राप्त गर्नेछन् । हरेक खेलका ‘प्लेयर अफ द म्याच’लाई ट्रफी र आइएमइ पेबाट रकम प्रदान गरिनेछ ।
